Fragmentum Vindobonense de pedibus

digilibLT 2019

Informazioni editoriali

Licenza Creative Commons Attribuzione - Non commerciale - Condividi allo stesso modo 3.0 Italia .

Fragmentum Vindobonense de pedibus

de arte metrica

[p. 646 vol. VI Keil]

ut fuga pyrrichius constat, spondeus ut aestas, / atque parens iambum designat, meta trochaeum. / tribrachus ut geminus, uelut Aeneasque molossus, / dactylus inde subit hunc Maenalus atque notabit. / huic est oppositus Erato retinens anapaestus, / amphibrachumque carina notat; post amphimacrus stat, / quem retinet longa, breuis hinc et denuo longa. / bacchius inde subest, bene quem designat Achates, / atque palimbacchum tenet hinc natura notatum. / proceleumaticus ex quattuor est breuiatus. / stant oratores dispondeum retinentes; / inde duos iambos in se tenet ipse diambus, / sic ditrochaeum duo; cunctipotens choriambum; / estque Saloninus antispasto decoratus. / hinc ionicus minor est, quem designat Diomedes, / maiorem ionicum Iunonius annotat illum. / tamquam legitimus est inde peon tibi primus, / unde sequens constet, hoc rite colonia monstret, / hinc fiat certus tibi tertius, ut Menedemus, / stat uero quartus per tres primas breuiatus. / stantque sacerdotes epitritum certificantes, / alter correptam monstratur habere secundam, / tertius est curtus in trita, sic epitritus / quartus finalem fert Fescenninus eandem.